ജോബി ആന്‍ഡ്രൂസ് രക്തസാക്ഷി ദിനാചരണം: വിദ്യാര്‍ത്ഥി റാലിയും അനുസ്മരണവും
താമരശ്ശേരി: എസ്.എഫ്.ഐ. നേതാവായിരുന്ന ജോബി ആന്‍ഡ്രൂസ് രക്തസാക്ഷി ദിനാചരണത്തിന്റെ ഭാഗമായി താമരശ്ശേരിയില്‍ വിദ്യാര്‍ത്ഥി റാലിയും അനുസ്മരണവും സംഘടിപ്പിച്ചു. എസ്എഫ്‌ഐ ജില്ലാ കമ്മിറ്റിയുടെ നേതൃത്വത്തില്‍ കോരങ്ങാട് ഗവ.വൊക്കേഷണല്‍ ഹയര്‍ സെക്കണ്ടറി സ്‌കൂള്‍ പരിസരത്ത് നിന്നാരംഭിച്ച റാലിയില്‍ ജില്ലയുടെ വിവിധ ഭാഗങ്ങളില്‍ നിന്നെത്തിയ നൂറുകണക്കിന് വിദ്യാര്‍ത്ഥികള്‍ അണിനിരന്നു.
തുടര്‍ന്ന് താമരശ്ശേരി പഴയ ബസ് സ്റ്റാന്റ് പരിസരത്ത് സമാപിച്ച റാലി എസ്എഫ്‌ഐ അഖിലേന്ത്യാ വൈസ് പ്രസിഡന്റ് ഡോ. നിതീഷ് നാരായണന്‍ ഉദ്ഘാടനം ചെയ്തു.
ജില്ലാ പ്രസിഡന്റ് പി. താജുദ്ദീൻ അധ്യക്ഷത വഹിച്ചു. ജില്ലാ സെക്രട്ടറി കെ വി അനുരാഗ്, ജില്ലാ സെക്രട്ടറിയറ്റ് അംഗം ജാന്‍വി കെ സത്യന്‍, മുഹമ്മദ് സാദിഖ്, അഭിഷ പ്രഭാകര്‍, കെ. മിഥുന്‍ എന്നിവര്‍ സംസാരിച്ചു. ഏരിയ സെക്രട്ടറി പി. സി. ആദിഷ് സ്വാഗതവും നബീല്‍ നന്ദിയും പറഞ്ഞു.
0 Comments