ഹുസൈൻ കാരാടിക്ക് താമരശ്ശേരിയിൽ സ്മാരകം വേണം

താമരശ്ശേരി: താമരശ്ശേരിയിലെ എഴുത്തുകാരനും ലൈബ്രറി പ്രവർത്തകനുമായിരുന്ന പരേതനായ ഹുസൈൻ കരാടിയുടെ സ്മരണ നിലനിർത്തുവാൻ താമരശ്ശേരിയിൽ ഉചിതമായ സ്മാരകം ഒരുക്കണമെന്ന് താമരശ്ശേരി പബ്ലിക് ലൈബ്രറി ജനറൽബോഡി യോഗം പ്രമേയത്തിലുടെ താമരശ്ശേരി ഗ്രാമപഞ്ചായത്തിനോട് ആവശ്യപ്പെട്ടു.  ലൈബ്രറി പ്രസിഡണ്ട് അഡ്വ: ജോസഫ് മാത്യു ആധ്യക്ഷത വഹിച്ചു. 

വാർഷിക പൊതുയോഗത്തിൽ ലൈബ്രറി സെക്രട്ടറി പി.കെ.രാധാകൃഷ്ണൻ  റിപ്പോർട്ടും ജോ: സെക്രട്ടറി എ.ആർ സുരേന്ദ്രൻ വരവ് ചെലവ് കണക്കും അവതരിപ്പിച്ചു. പി.ആർ. വിനോദ്,ദേവരാജൻ , താലൂക്ക് ലൈബ്രറി  കൗൺസിൽ വൈസ്  പ്രസിഡണ്ട് നാരായണൻ അവിടനല്ലൂർ , ഡോ. പി.കെ. മുഹ്സിൻ, കെ.പി.അശോകൻ, എ.കെ.ദേവി തുടങ്ങിയവർ സംസാരിച്ചു. ലൈബ്രറി വൈസ് പ്രസിഡണ്ട് ടി.കെ.വത്സലകുമാരി സ്വാഗതവും എ.കൃഷ്ണകുമാർ നന്ദിയും പറഞ്ഞു.