ചുരത്തില്‍ ഓടിക്കൊണ്ടിരുന്ന കാര്‍ കത്തി നശിച്ചു

ചുരത്തിൽ കാർ കത്തി നശിച്ചു; യാത്രക്കാർ അത്ഭുതകരമായി രക്ഷപ്പെട്ടു. താമരശ്ശേരി : താമരശ്ശേരി ചുരത്തിൽ കാർ കത്തി നശിച്ചു. കാർ യാത്രക്കാർ അത്ഭുതകരമായി രക്ഷപ്പെട്ടു. ഒൻപതാം വളവിനും എട്ടാം വളവിന് ഇടയിൽ രാവിലെ ആറേകാലോടെയാണ് സംഭവം. 

ചുരം കയറുകയായിരുന്ന കാറാണ് കത്തിയത്. പെരിന്തൽമണ്ണ സ്വദേശികളാണ് കാറിലുണ്ടായിരുന്നത്. ആർക്കും പരിക്കില്ല. കാറിൽ നിന്നും പുക ഉയരുന്നത് കണ്ട് ഇവർ പുറത്തിറങ്ങുകയായിരുന്നു. 

അപകടത്തെ തുടർന്ന് ഒരു മണിക്കൂറോളം ഗതാഗതം സ്തംഭിച്ചു. ഹൈവെ പൊലീസും ചുരം സംരക്ഷണസമിതി പ്രവർത്തകരും സ്ഥലത്തെത്തി ഗതാഗതം നിയന്ത്രിച്ചു. കല്പറ്റയിൽ നിന്നും ഫയർ ഫോഴ്സ് എത്തിയാണ് തീ അണച്ചത്.